Vakansiyalar

Vakansiya: Mexanika Mühəndisliyi departamenti müəllim axtarır

Xəzər Universitetinin Mühəndislik və Tətbiqi Elmlər fakültəsi, Mexanika Mühəndisliyi departamenti 2018-ci ilin yaz semestrində əsas fənlərin (Fluid Mechanics II, Materials Science, Solid Works, System Dynamics and Control, Dynamics, Theory of Machines, Machine Vibration) tədrisi üçün vakant yerlərə namizədlər axtarır. Mexanika mühəndisliyi ixtisası üzrə doktorluq dərəcəsi almış şəxslər müraciət edə bilərlər. Mühəndislik və Tətbiqi Elmlər fakültəsində tədris ingilis dilindədir. 

Maraqlananlar öz CV-lərini Mühəndislik və Tətbiqi Elmlər fakültəsinin akademik işlər üzrə dekan müavini Dr. Fəxrəndə Əlimərdanovaya göndərə bilərlər: falimardanova[at]khazar.org

Son müraciət tarixi 2018-ci il yanvarın 31-dir.



Vakansiya: Kompüter Elmləri və Kompüter Mühəndisliyi departamenti müəllim axtarır 

Xəzər Universiteti Mühəndislik və Tətbiqi Elmlər fakültəsi, Kompüter Elmləri və Kompüter Mühəndisliyi departamenti 2018-ci il yaz semestri dövründə əsas fənlərin (Data Structures, Computer Organization, Operations Research, Introduction to Theory of Computation, Introduction to Compilers, Operating Systems, Information Security, Computer Graphics) tədrisi üçün vakant yerlərə namizədlər axtarır. Kompüter elmləri, kompüter mühəndisliyi sahələrində magistr və ya doktorluq dərəcəsi olan şəxslər müraciət edə bilərlər. Mühəndislik və Tətbiqi Elmlər fakültəsində tədris dili ingiliscədir. Maraqlananlar öz CV-lərini Kompüter Elmləri və Mühəndisliyi departamentinin koordinatoru Dr. Məhəmməd Şərifova göndərə bilərlər: msharifov[at]khazar.org.

Son müraciət tarixi 2018-ci il yanvarın 31-dir





Vakansiya: dekan assistenti axtarılır

Xəzər Universiteti Humanitar və sosial elmlər fakültəsi dekan assistenti vəzifəsini tutmaq üçün müsabiqə elan edir.

Müsabiqədə ən azı bakalavr təhsilli şəxslər iştirak edə bilərlər. Müsabiqədə iştirak etmək istəyənlər ünsiyyətcil olmalı, ingilis dilini mükəmməl şəkildə bilməli, kompüter proqramlarında işləməyi bacarmalıdırlar. Namizəd intizamlı və məsuliyyətli olmalı, işləri vaxtlı-vaxtında və peşəkarlıqla yerinə yetirməlidir. Müsabiqə zamanı müvafiq sahə üzrə ən azı 1 il iş təcrübəsi olanlara üstünlük veriləcək.

Dekan assistentinin görəcəyi işlər aşağıdakılardır:

  • Akademik sənədlərin tərtibatı və səliqəli saxlanılması qaydalarına riayət etmək;
  • Dərs və imtahan cədvəllərini hazırlamaq və onların icrasına nəzarət etmək;
  • Müəllimlər tərəfindən tədris yükünün yerinə yetirilməsinin monitorinqini aparmaq;
  • Müəllimlərin dərslərə davamiyyətini mütəmadi yoxlamaq və həftə sonu hesabat hazırlamaq;
  • Müəllimlərlə işgüzar münasibət yaratmaq;
  • Mütəmadi tələbə məlumat sistemi ilə işləmək və diqqətli olmaq;
  • Tələbələrlə nəzakətli davranmaq;
  • “İmtahan qaydaları haqqında əsasnamə”də nəzərdə tutlan qaydalar çərçivəsində imtahan keçirilən auditoriyalarda nəzarəti təmin etmək;
  • Dekanın və dekan müavinin iş tapşırıqlarını vaxtlı-vaxtında yerinə yetirmək;
  • Dekanlığın fəaliyyəti ilə bağlı müxtəlif qurumlara təqdim olunacaq hesabatların layihələrini hazırlamaq;
  • Dərslərin təşkil olunduğu auditoriyaların vəziyyətinə nəzarət etmək;
  • Fakültənin məzunları ilə daimi əlaqələr yaratmaq;
  • Mübahisələrə səbəb ola biləcək məsələlərə imkan verməmək;
  • Tədris qaydalarının pozulması ilə bağlı tələbəni məsuliyyətə cəlb etmək üçün təkliflər hazırlamaq;
  • İş yerini səliqəli saxlamaq.

Müsabiqədə iştirak etmək istəyənlər CV-ni cxalilov@khazar.org elektron poçt ünvanına göndərsinlər. 

Son müraciət tarixi: 30 dekabr 2017-ci il.

Qeyd: Namizədlər nəzərə almalıdırlar ki, yuxarıda qeyd olunan vəzifələrlə yanaşı, gündəlik fəaliyyət zamanı ortaya çıxa biləcək digər tədris məsələlərini də həll etməyə hazır olmalıdırlar.




Vakansiya: Kitabxana-İnformasiya Mərkəzinə kitabxanaçı tələb olunur

Xəzər Universitetinin Kitabxana-İnformasiya Mərkəzi kitabxanaçı vəzifəsi üçün müsabiqə elan edir. Müsabiqədə iştirak etmək üçün kitabxanaçılıq üzrə ali təhsilin olması vacibdir.Kitabxanaçının vəzifələrinə daxildir:

  • istifadəçiləri kitabxananın müxtəlif resursları ilə tanış etmək;
  • kitabxanaya daxil olan informasiya resurslarının qeydiyyatını aparmaq, MARC formatında e-kataloqa daxil etmək;
  • müəllim və tələbə heyətinə elektron biblioqrafik məlumat bazasında axtarışlarda kömək etmək;
  • kitabxana tədbirlərində fəal iştirak etmək;
  • kitabxana işi ilə bağlı gündəlik işləri yerinə yetirmək;
  • digər vəzifələr.

Müsabiqədə iştirak etmək istəyənlər Azərbaycan dilini mükəmməl şəkildə bilməli, ingilis dilində olan mətnləri başa düşməli, ofis proqramlarında işləməyi, ünsiyyət qurmağı, gərgin iş rejimində işləməyi bacarmalıdırlar. Namizəd məsuliyyətli olmalı, işləri vaxtlı-vaxtında və peşəkarlıqla görməlidir. Müsabiqədə iştirak etmək istəyənlər məktub və CV-ni amiskerli@khazar.org elektron poçt ünvanına göndərsinlər. Son müraciət tarixi 2017-ci il dekabrın 1-dir.


Vakansiya: İngilis dili müəlliminə ehtiyac var

Xəzər Universiteti İngilis dili və ədəbiyyatı departamenti 2017-ci il payız semestri üçün “ingilis dili müəllimi” vəzifəsi üzrə vakansiya elan edir. 

Ali məktəblərdə ingilis dilinin tədrisi üzrə ən az 3 illik təcrübəsi olan, dilçilik və ya ingilis dilinin tədrisi sahəsində magistr dərəcəsi olan müəllimlərə üstünlük veriləcək. Maraqlananlar 2017-ci il sentyabrın 1-dən gec olmayaraq, Xəzər Universiteti İngilis dili və ədəbiyyatı departamentinə müraciət edə və CV-lərini göndərə bilərlər: emehdiyev[at]khazar.org




Vakansiya: Mühəndislik və tətbiqi elmlər fakültəsi müəllim axtarır

Xəzər Universiteti Mühəndislik və tətbiqi elmlər fakültəsi, Kompüter elmləri və kompüter mühəndisliyi departamenti 2017-ci il yaz semestri dövründə əsas fənlərin tədrisi üçün vakant yerlərə namizədlər axtarır. Kompüter elmləri, kompüter mühəndisliyi sahələrində magistr və ya doktorluq dərəcəsi olan şəxslər müraciət edə bilərlər. Mühəndislik və tətbiqi elmlər fakültəsində tədris dili ingilis dilindədir. Maraqlananlar öz CV-lərini Mühəndislik fakültəsinin dekanı Dr.Hassan Niknafsa göndərə bilərlər. hniknafs[at]khazar.orgSon müraciət tarixi 2017-ci il yanvarın 31-dir.


Vakansiya:  Rektorun ofis assistenti

Xəzər Universitetində rektorun ofis assistenti vəzifəsinə işçi tələb olunur. Gündəlik işlər:  ofis işləri, sənədlərin idarə edilməsi, qonaqların qarşılaması, tədbirlər və görüşlərin təşkil edilməsi, rektorluqla bağlı digər gündəlik işlərdən ibarətdir.Namizəd Azərbaycan və ingilis dillərində sərbəst danışmalıdır, rus dilini bilənə üstünlük verilir. Namizəd məsuliyytəli olmalı, işləri vaxtlı-vaxtında və peşəkarlıqla görməlidir.Maraqlananlar məktub və CV-ni contact[at]khazar.org-a göndərsinlər (başlıqda “Rector Assistant Application” yazılsın).Son müraciət tarixi 2016-cı il dekabrın 15-dir.




Vakansiya: İngilis dili müəllimi

Xəzər Universiteti İngilis dili və ədəbiyyatı departamenti 2016-cı il payız semestri üçün yarımştat ingilis dili müəllimi vəzifəsi üzrə vakansiya elan edir. Müraciət edənlərin dilçilik və ya ingilis dilinin tədrisi sahəsində magistr dərəcəsi olmalıdır.

Ali məktəblərdə ingilis dilinin tədrisi üzrə ən az 3 illik təcrübəsi olanlara üstünlük veriləcək.

Maraqlananlar Xəzər Universiteti İngilis dili və ədəbiyyatı departamentinə 2016-cı il iyulun 10-dan gec olmayaraq müraciət edə və CV-lərini göndərə bilərlər: zqurbanova[at]khazar.org.



Kompüter müəllimi üzrə vakansiya elan olunur

Xəzər Universiteti Kompüter elmləri departamenti kompüter müəllimliyi üzrə vakansiya elan edir. Namizədlər arasında müsabiqə keçiriləcək. Müsabiqə ölkədaxili namizədlər üçün nəzərdə tutulur.

Müsabiqədə iştirak etmək üçün namizədlərdən aşağıdakı şərtlər tələb olunur:


  • İxtisas üzrə ən azı magistratura diplomunun olması;
  • Elmi tədqiqat bacarığının olması;
  • İngilis dilində tədris bacarığının olması.

Əlavə məlumat almaq üçün bu e-mail-ə müraciət edə və CV-nizi göndərə bilərsiniz: jmehri@khazar.org.

 Vakansiyaya son müraciət tarixi Sentyabrın 1-idir



İqtisadiyyat və Menecment Departamenti- Maliyyə Bölməsinin Koordinatoru

İş barədə məlumat

  • Təhsil proqramlarının və iş sxemlərinin, o cümlədən departament sənədlərinin hazırlanmasında departament müdirinə kömək etmək.
  • Departamentin ixtisas sahələri ilə bağlı fəaliyyətlərin və tədbirlərin planlaşdırılması və həyata keçirilməsində departament müdirinə kömək etmək.
  • Müxtəlif təhsil proqramları ilə bağlı məlumat toplamaq və ilkin təhlil etmək.
  • Bakalavr və magistr proqramlarında maliyyə fənlərini tədris etmək.
  • Müəllimlər ilə ünsiyyət saxlamaq və fənn üzrə işçi tədris proqramlarını toplamaq.
  • Departamentdə yerinə yetirilən elmi-tədqiqat işlərində iştirak etmək və tədqiqat işlərinin nəticələrini nüfuzlu elmi jurnallarda dərc etmək.
  • Departament müdiri tərəfindən tapşırılan vəzifələri yerinə yetirməklə departamentin ümumi idarə olunmasına kömək etmək.

Tələblər


  • Maliyyə/Mühasibat sahəsi üzrə fəlsəfə doktoru dərəcəsi (və yaxud bitirmək üzrə).
  • Əla səviyyədə ingilis dili (danışıq və yazılı).
  • Yaxşı kompyuter bacarıqları (o cümlədən, məlumat bazasını idarə etmə bacarığı).
  • Yaxşı şifahi və yazılı ünsiyyət qurmaq və səmərəli işləmək bacarıqları.
  • Sərbəst şəkildə işləmək və təşəbbüs göstərmək bacarığı.
  • Müsbət düşüncəyə və ozünü motivasiya etmək xüsusiyyətinə malik olmaq.
  • Vaxt və stress idarəetmə bacarığı.
  • Kolleqiallıq: güclü iş əlaqələri və müsbət iş mühiti yarada bilmək bacarığı, hörmətcil, komandada işləmə bacarığı.

İşə başlama tarixi: 2016-cı ilin sentyabr ayı.

Müsabiqədə iştirak etmək üçün maraqlanan namizədlərdən tərcümeyi-hal, rəy (rəy verən 3 şəxsin əlaqə məlumatları) və motivasiya məktublarını İqtisadiyyat və Menecment Departamentinin müdiri Dr. Ceyhun Məmmədova göndərmələri xahiş olunur: jmammadov@khazar.org



Fars dili müəllimi üzrə dosent vəzifəsi vakansiyası 

Xəzər Universiteti Dillər və mədəniyyətlər kafedrası fars dili müəllimi üzrə dosent vəzifəsi vakansiyası (1 yer) üçün müsabiqə elan olunur. Müsabiqə daxili namizədlər üçün nəzərdə tutulmuşdur.

Müsabiqədə iştirak etmək üçün aşağıdakı şərtlər tələb olunur:


  • İxtisas üzrə fəlsəfə doktoru elmi adı;
  • İxtisas üzrə 5 il pedaqoji staj;
  • Elmi tədqiqat bacarığı.

Müsabiqədə iştirak etmək üçün sənədlər Azərbaycan Respublikası Təhsil Nazirliyinin 07.08.1996-cı il tarixli 401 saylı əmri ilə təsdiq edilmiş “Ali təhsil müəssisələrində professor-müəllim vəzifələrinin tutulması qaydaları haqqında” əsasnaməyə uyğun olaraq elan olunduğu gündən başlayaraq, 30 gün müddətində Xəzər Universiteti “Neftçilər” kampusunda  (506-cı otaqda) qəbul edilir.

Tələb olunan sənədlər:


  • Şəxsiyyət vəsiqəsi;
  • Diplomların surəti;
  • Elmi əsərlərin siyahısı.

Əlavə məlumat üçün bu nömrələrlə əlaqə saxlamaq olar:

Tel: +994 12 421 7916 (215);

Fax: +994 12 498 93 79.

Sənədlərin qəbulu komissiyası