İngilis Dili və Ədəbiyyatı

İngilis dili və Ədəbiyyatı Departamentinin əsas vəzifəsi İngilis dilini dərindən öyrənməyi və onu cəmiyyətin bugünki tələblərinə əsasən tətbiq etməyi tələbələrə təlqin etməkdir. Departament tələbələrə İngilis dilinin tədrisi, Dilşünaslıq, tərcümə və Ədəbiyyatşünaslı sahələri üzrə təməl və əsaslə biliklər verir. Departament Xəzər Universitetində bütün fakültələrdə fəaliyyət göstərir. Departamentin proqramları tələbələrə İngilis dilində yüksək səviyyəyə qədər dili biliklərini inkişaf etdirməyə kömək edir. Departament bakalavr və magistr dərəcələri üçün proqramlar təmin edir. Bakalavr səviyyəsində tələbələr İngilis dili və ədəbiyyatını əsaslı öyrənməklə yanaşı ingilisdilli ölkələrin mədəniyyəti haqqında da geniş məlumat alırlar. Tələbələr İngilis dili və ədəbiyyatı, tərcümə, İngilis dili müəllimliyi ixtisasları üzrə praktik və nəzəri biliklərə malik olurlar.  Bu biliklər onları yüksək səviyyəli İngilis dili tələb olunan gələcək akademik tədris və iş imkanlarına hazırlayır.  Departament nəzəri biliklərlə yanaşı tələbələrə geniş təcrübə imkanları da yaradır. Bakalavr dərəcəsini bitirmiş tələbələr əmək bazarında dil bacarıqlarının üstünlüyünə görə seçilirlər.

Magistr dərəcəsi Tərcümə, Ümimi və tətbiqi dilçilik və Ədəbiyyatşünaslıq kimi sahələri əhatə edir. Burada magistrlara tədris olunan fənlər İngilis dilinin yüksək səviyyəsindədir. Bundan əlavə tələbələr tədqiqatın ilkin mərhələləri, tədqiqat işinin yazırlması, akademik yazı bacarıqları kimi biliklərə yiyələnir və öz sahələri üzrə mütəxəssis  kimi təhsil alırlar. Magist dərəcəsini bitirmiş tələbələr respublikanın qabaqcıl ali təhsil müəssisələrində əmək fəaliyyətinə başlayırlar.

Son bir ildə Departamentin nəzdində German dilləri üzrə PhD pilləsində tədris aparılır. Burada tələbələr German dilləri üzrə mütəxəssis kimi yetişirlər. Bundan əlavə hər bir tələbyə elmi işin yazılması üçün xarici ölkələrdən cəlb olunmuş mütəxəssislər rəhbərlik edirlər. PhD pilləsini başa vuran tələbələr öndə gedən ali məktəblərdə və xarici ölkələrdə ixtisaslarına uyğun işlə təmin olunmaqda çətinliklə üzləşmirlər.


Əlaqə:

Eynur Mehdiyev (MA)

Departamentin müdir müavini

Eynur Mehdiyev bakalavr dərəcəsini Azərbaycan Dillər Universitetində və magistr dərəcəsini Koventri universitetində (Birləşmiş Krallıq) almışdır. Onun 10 ildən çox tələbələrə və böyüklərə İngilis dilini tədris etmə təcrübəsi var. Hal-hazırda Xəzər universitetində İngilis dili və ədəbiyyatı departamentində müdir müavini vəzifəsində çalışır.

Ofis:  Neftçilər korpusu 313 (Köhnə bina)

Tel: (+994 12) 421 79 16 (281) 

E-mail: emehdiyev[at]khazar.org


Milana Abbasova (PhD namizəd)

Proqram Koordinatoru

Milana Abbasova həm bakalavr, həm də magistr təhsilini Azərbaycan Dillər Universitetində almışdır. O, Xəzər Universitetinin dissertantıdır. Milana Abbasova 10 ildən artıqdır ki, Xəzər Universitetində çalışır və  “Qrammatika”, “Dil tarixi”, “Sosiodilçilik” və digər fənləri tədris edir. O, hal-hazırda İngilis dili və ədəbiyyatı departamentinin proqram koordinatoru vəzifəsini icra edir.

Ofis:  Neftçilər korpusu 313 (Köhnə bina) 

Tel: (+994 12) 421 79 16 (230)                           

E-mail: mabbasova[at]khazar.org


Kəmalə Əskərova

Foundations üzrə koordinator

Kəmalə Əskərova 1983-cü ildə Azərbaycan Dövlət Dillər İnstitutundan məzun olmuşdur. O, öz karyerasına 1993-cü ildə Xəzər Universitetinin İngilis Dili və Ədəbiyyatı Fakültəsində ingilis dili müəllimi olaraq başlamış və burada ESL (İngilis dili ikinci dil kimi), Tibb və Hüquq üzrə ESP (xüsusi məqsədlər üçün ingilis dili), Advanced Grammar Qrammatika,Current Events Cari Hadisələr kimi bir sıra kurslara dərs keçmişdir. 1995-ci ildən etibarən o, Xəzər Universitetinin İngilis Dili və Ədəbiyyatı Fakültəsində baş müəllim kimi fəaliyyət göstərmişdir. 1994-cü ildən 1997-ci ilədək Xəzər Universitetində Tibbi Həkimlər üçün ingilis dilini təkmilləşdirmə kurslarında təlimlər keçmişdir. 2009-cu ilin sentyabr ayından 2011-ci ilin iyun ayına qədər isə Zərifə Əliyeva adına Liseyde ingilis dili koordinatoru vəzifəsində işləmişdir. 2011-ci ilin sentyabrında Xəzər Universitetinə qayıdaraq Baş İngilis dili Müəllimi kimi fəaliyyətinə davam etmişdir. 2014-cü ildən bu günə qədər o, Xəzər Universitetində Foundations üzrə Koordinator vəzifəsində işləyir.

E-mail: kamala.askerova[at]khazar.org

Ofis: Mərkəz Kampusu 

Telefon: (+994 12) 596 27 85


Səadət Fərhadova

Foundations üzrə koordinator assistenti

Səadət Fərhadova Azərbaycan Dillər Universitetinin Dilşünaslıq fakültəsinin məzunudur. Universitetin Bakalavr və Magistratura pillələrini fərqlənmə diplomu ilə bitirmişdir. Oklahoma MMC-də tərcüməçi və sinxron tərcüməçi kimi fəaliyyət göstərmişdir. Sonraki illərdə TCS şirkətində beynəlxalq işçi heyətinə İngilis dili, Business English tədris etmiş; geyri-ana dil daşıyıcıları üçün İngilis dili danışıq kurslarının təşkilatçısı və icraçısı olmuşdur. 2007-ci ildən bəri Xəzər Universitetinin İngilis Dili və Ədəbiyyat Departamentinin Ingilis Dili müəllimi vəzifəsində çalışır. Tədris etdiyi fənlər əsasən English Foundations, Academic English, English for Professional Communication, ALS ve ESP on Economics təşkil edir. 2011-2015-ci illərdə İqtisadiyyat ve Menecment fakültəsində Alt Proqramlar üzrə Koordinator vəzifəsində çalışmışdır. Eyni zamanda, Departamentin bir hissəsi olan “Keyfiyyətin Giymətləndirilməsi Üzrə Komitə”nin üzvü olmuşdur. Bir sıra beynəlxalq konfransların iştirakçısıdır. 2009-cu ildə SEPHİS şəbəkə programı üzrə Azərbaycanda təşkil olunmuş və Xəzər Universitetinin ev sahibliyi etdiyi “Gadınlar və İctimai Sfera” adlı konfransda sinxron tərcüməçi kimi fəaliyyət göstərmişdir.

E-mail: sfarhadova[at]khazar.org

Ofis: Mərkəz Kampusu 

Telefon: (+994 12) 596 27 85


Nuranə Fərhadova

Assistent

Təhsilini Qafqaz Universitetinin , Filologiya fakültəsində almışdır.Ərəb və Rus dilləri üzrə, bir sıra Tədris mərkəzlərində müəllim vəzifəsində fəaliyyət göstərib.2014-ci ildən bəri Xəzər Universitetinin, İngilis dili və ədəbiyyatı departamentində fəaliyyət gostərir. Hal-hazırda İsgilis dilində aparılan, danışıq kurslarının koordinatorudur.

E-mailnfarhadova[at]khazar.org

Ofis: Neftçilər korpusu 313 (Köhnə bina)

Telefon: (+994 12) 421 79 16 (230)

Film about Khazar University