Xəbərlər

5 aprel 2017 –ci il tarixdə Xəzər Universitetində Rohde&Schwarz günü keçirildi

Alman kompaniyası Rohde & Schwarz (əsası 1933-cü ildə qoyulmuşdur), mühəndislərə simsiz rabitə üçün nəzarət-ölçü, tele- və radioverici, elektron sənayesi, radiomonitorinq və radiolokasiya avadanlıqları istehsalçısı kimi məlumdur.

Tədbirin keçirilməsində məqsəd uyğun ixtisaslı tələbə və müəllimləri nəzarət-ölçü avadanlıqlarının müasir durumu ilə tanış etmək, Rohde&Schwarz avadanlıqlarını əyani təqdim etmək, avadanlıqlardan tədris və istehsal prosesində istifadəsinə nümunələr gətirmək, avadanlıqların praktik olaraq nümayiş etdirilməsi olmuşdur.  

Tədbiri “Elektronika və Telekommunikasiya” departamentinin müdiri Nuru Səfərov açaraq, Xəzər Universitetinin strukturu və nailiyyətləri haqqında qısa məlumat verdi. O, həmçinin ali tədris müəssisələrinin müasir texniki şəraitə uyğun olan işlər üçün tələbələrin hazırlanması yönümlü avadanlıq istehsalçıları ilə qarşılıqlı əlaqəsinin qurulmasının zəruriliyini qeyd etdi.  

İlk təqdimatı Rohde & Schwarz kompaniyasının Azərbaycandakı təmsilçisi Serqey Rıbinskiy (Sergey.Rybinskiy@rohde-schwarz.com) açdı. O kompaniyanın yaranması və inkişafı haqqında, istehsalçısı olduqları müasir ölçü avadanlıqlarının və ölçü sistemlərinin həll etdiyi məsələlər haqqında məruzə ilə çıxış etdi. Təqdimatın əsas hissəsini “Elektronika və Telekommunikasiya” departamentinin tələbələrinin təhsil aldığı müxtəlif istiqamətləri üzrə laboratoriya maketlərindən nümunələr gətirilməsi təşkil etdi.  

Xəzər Universitetində Rohde & Schwarz gününün əsas mövzusu mobil operatorların göstərdiyi xidmətlərin keyfiyyətini qiymətləndirən avadanlıq oldu. Bu mövzu mobil rabitə şəbəkələrində yüklənmələrin artması və dövlətin əhaliyə göstərilən xidmətin keyfiyyətli olması tələbi ilə ilk plana keçir. Görüşün praktik hissəsi elə bu avadanlıqla tanışlığa həsr edildi.  

Mobil şəbəkələrin testləşməsi avadanlıqlarının təqdimatını həmin məhsulların MNT seqment rəhbəri Yuris Qrantins verdi. O, şəbəkələrin testləşməsi, keyfiyyətin qiymətləndirilməsi metodları və bu məsələlər üçün lazım olan alətlər haqqında danışdı:

- Freerider II qurğusu - radioölçmələr və verilənlərin emalı

- Xüsusi QualiPoc Android test smartfonu

- ROMES örtüyünün ölşülməsi üçün proqram təminatı

- TSMEultrakompakt radioskaneri

Bu qurğular iştirakçılara təqdim edildi. Yuris Qrantins xidmətin keyfiyyətinin qiymətləndirilməsi və mobil şəbəkələrin analizi məsələsi üçün bu qurğulardan istifadənin effektivliyini nümayiş etdirdi. Avadanlıqların praktik nümayiş olunması testləşmə və mobil şəbəkə optimallaşması mövzusunu daha geniş şəkildə açmağa imkan verdi.

Təqdimatlar bitdikdən sonra bütün arzu edənlər avadanlıqlarda işləmək və istismar zamanı yaranan suallara cavab almaq imkanı.

Departamentə kompaniyanın istehsal etdiyi məhsullar haqqında kataloq jurnal hədiyyə verildi.  

“Elektronika və Telekommunikasiya” departamentinin müdiri Nuru Səfərov çıxış edərək, Rohde & Schwarz kompaniyasının nümayəndələrinə maraqlı praktik təqdimat üçün öz təşəkkürünü bildirdi.