Xəzər Universiteti 1991-ci ildə Nazirlər Kabinetinin qərarı ilə yaradılmışdır və Azərbaycanda fəaliyyətə başlayan ilk özəl ali məktəbdir.

  Xəzər Universiteti Azərbaycanda bakalavr, magistr və doktor dərəcələri verən  ilk tədqiqat yönümlü özəl ali məktəbdir.

Xəzər Universitəsi Azərbaycanda yeganə universitədir ki, onun tədris siyasəti və diplomları Avropa və Amerikanın aparıcı universitələri tərəfindən tanınır.

• Xəzər Universiteti Azərbaycanda kredit sistemini tətbiq edən ilk ali məktəbdir.

• Xəzər Universitetində əsas təhsil dili ingilis dilidir. Bu, tələbələrin müasir dərsliklərdən istifadə etməsi, təhsillərini xaricdə davam etdirməsi, xaricdən gələn müəllimlərin effektli dərs deməsi və s. kimi işlərə geniş imkan verir.

• Xəzər Universitetində keyfiyyət həmişə əsas meyar olmuşdur. Universitetdə yaradılmış «Ali təhsildə keyfiyyətin təminatı mərkəzi» ölkəmizdə bu sahədə fəaliyyət göstərən yeganə qurumdur.

• Təhsildə keyfiyyəti və beynəlxalq standartları təmin etmək üçün Xəzər Universiteti beynəlxalq əlaqələrini daimi inkişaf etdirir, eləcə də  ölkəmizdə fəaliyyət göstərən tanınmış yerli və xarici şirkətlərlə yaxından əməkdaşlıq edir.

• Xəzər Universitetində Mühəndislik, tətbiqi elmlər, iqtisadiyyat, biznes idarəçiliyi, humanitar və sosial elmlər, incəsənət, beynəlxalq münasibətlər,  hüquq, tibb və səhiyyə, təhsil və s. sahələr üzrə kadr hazırlığı aparılır.

• Universitet nəzdində «Dünya» məktəbi, müxtəlif tədqiqat institutları fəaliyyət göstərir.

•  Universitetdə azərbaycanlılarla yanaşı ABŞ, Norveç, Hindistan, Pakistan, İran, İraq, Türkiyə, Misir, Nigeriya, Anqola, bir sıra MDB ölkələri,  və s. ölkələrdən əcnəbi tələbələr təhsil alır. Əcnəbi tələbələr təhsil alan tələbələrin 15 faizindən çoxunu təşkil edir.

•  Dünyanın bir çox ölkələrindən alınıb gətirilmiş, elmin müxtəlif sahələrinə aid dərslik və monoqrafiyalarla zəngin kitabxana informasiya mərkəzi tələbələrə xidmət edir. Kitabxana informasiya mərkəzi, Science Direct, Cambridge University Press, Oxford University Press, Bio One, AGORA, Ingenta və s. kimi dünyada ən məşhur olan verilənlər bazalarına müraciəti təmin edir. Universitenin tələbələrinin dünyanın müxtəlif yerlərində nəşr olunan 4450 akademik və 3650 biznes curnallarına çıxışı var

• Universitetdə 200-dən çox professor-müəllim heyəti çalışır. Bunlar həm tanınmış yerli, həm də xaricdən dəvət olunmuş mütəxəssislərdir. Yerli mütəxəssislərin böyük əksəriyyəti xaricdə təhsil almış və ya təcrübə keçmişlər. Xəzər universiteti xaricdən dəvət edilmiş mütəxəssislərin, eləcə də xaricə göndərilmiş müəllim və tələbələrin sayına görə Azərbaycanın və yaxın bölgənin ən qabaqcıl ali məktəbidir.